|
Ons beveel aan:
|
 |
|
|
VERLEDE, HEDE & TOEKOMS |
|
Ons geskiedenis... |
 |
NG Gemeente Weltevreden is amptelik op 5 September 1982 van die Fairland-gemeente
afgestig. Dit was ‘n besondere dankbare gemeente wat na drie jaar se erediens hou
in die Boskop Laerskool-skoolsaal, op 8 November 1985 hul eie plek van aanbidding
feestelik kon inwy.
Gedurende die naweek van 2-4 November 2007 het ons gemeente behoorlik feesgevier
met die herdenking van ons 25ste bestaansjaar.
Hier
is fotos van die feesvieringe!
Die inskripsie op die hoeksteen lui: “Mag dié God julle toerus met alles wat goed
is, sodat julle Sy wil kan doen. Mag Hy deur Jesus Christus in ons tot stand bring
wat vir Hom aanneemlik is. Aan Hom behoort die heerlikheid tot in alle ewigheid.”
– Heb. 13:21.
Die gemeente het deur die genade van die Here wonderlike groei ervaar en vandag
is daar meer as 4100 lidmate.
|
|
Ons toekoms... |
Ons Visie |
Vier en ervaar lewe!
Mense smag na lewe! Ons leef in tye waar mense bewus is van die feit dat daar
meer in die lewe is as wat met die eerste oogopslag raakgesien word. Die lewe
gaan om meer as werk, huis toe ry en rondjaag. Jesus het 'n baie besondere
boodskap vir ons tyd en omstandighede. Ware lewe is moontlik! Die mens kan
lewe voluit vier en ervaar. Jesus sê self: Ek het gekom sodat hulle
die lewe kan hê en dit in oorvloed. (Joh. 10:10). Weltevreden wil
graag mense help om hierdie geheim opnuut te ontdek.
Ware lewe is om te leef in die wete dat God se Ryk gekom het! Jesus sê duidelik
dat Hy aarde toe gekom het sodat God se koninkryk kan kom. Dink maar aan Matteus
4:17 waar Jesus sy bediening verduidelik - "Van toe af het Jesus begin preek en
gesê: 'Bekeer julle, want die koninkryk van die hemel het naby gekom'."
Ons leef in tye waar die woord "koninkryk" nie dieselfde betekenis het as duisende
jare terug nie. Maar ons verstaan wel dat Jesus se Ryk alles te doen het met
ware lewe. Lewe soos God dit eintlik bedoel het. Lewe in sy volheid.
Lewe wat radikaal anders is as die manier waarop baie mense deesdae lewe:
hierdie is 'n lewe wat oorloop van goedheid en volheid; 'n lewe wat fokus op 'n
diep verhouding met God.
By Weltevreden Gemeente is dit ons visie om die lewe voluit te vier en te ervaar!
[Dr Nelus Niemandt]
|
|
Gemeentegroei |
Die groei van die aantal doop en belydende lidmate in die gemeente sedert 1982 was
indrukwekkend, soos duidelik blyk uit die grafiek hieronder. Ten einde voorsiening
te maak vir die sterk groei, het die gemeente onlangs in 'n meningsopname, uitbreiding
van die bestaande fasiliteite oorweldigend gesteun.
|
|
|
|
|