|
|
|
OPERASIE MOBILISASIE |
|
Meer oor ons... |
Operasie Mobilisasie is ‘n sendingorganisasie wat daarop fokus om die plaaslike
gemeenskap te versterk. Hulle doen dit deur mense van alle vlakke van die samelewing
te mobiliseer vir wêreldsending deur indiensopleiding en deur groepe op kort- en
langtermynuitreike na meer as 100 verskillende lande en op twee skepe te stuur.
Hulle werk sluit ook in die verspreiding van literatuur, gemeenskapsontwikkeling,
evangelisasie op ‘n kultuur-sensitiewe manier en kerkplanting. Die OM skepe bedien nasies al sedert 1970. Oor die laaste 35 jaar is vele hawens besoek in meer as 140
lande.
Daar word na gemeenskappe uitgereik deur hulpverleningsprogramme, evangeliese uitreikspanne,
konferensies aan boord en ‘n reuse boekwinkel op die skip. Die skepe word beman deur
600 vrywillige bemanningslede wat aansluit as ‘n praktiese uitlewing van hul geloof.
Sending-voorbereidingsprogamme is ‘n opleidingsprogram van ses maande wat net buite
Pretoria aangebied word. Die doel van die program is om persone te lei om ‘n sterk,
onwankelbare verhouding met die Here te ontwikkel en opleiding word ook verskaf oor hoe om uit te reik na verskeie gemeenskappe, bv. Moslems, Hindoes, prostitute,
dwelmverslaafdes, ensovoorts.
Vir meer inligting oor die OM skepe, opleiding of ander sendinggeleenthede, kontak
asseblief vir Juan le Roux by (012) 807-0161. Korttermynuitreike geskied ook vanaf
twee weke tot en met ‘n maand en gee gelowiges ‘n geleentheid om uit te reik na
gemeenskappe. Vir meer inligting kontak asseblief vir JP Hall by (012) 807-0161.
OM groei van krag tot krag terwyl sendelinge ‘n verskil maak regoor die wêreld –
van Marokko tot Myanmar, van Suid-Afrika tot Skandinawië.
Besoek gerus die webblad
www.omsa.org.za.
|
|
Hoe kan jy help? |
|
|
Kontakbesonderhede |
| Kontakpersoon | Tel | Sel | E-pos |
| Karen Verryne | 011-4753684 | 0824687466 |
epos
|
|
|
|
|