|
|
LIGGING |
Ons gemeente se jeuguitreik sal plaasvind na die dorpie Manjacaze. Manjacaze is geleë in die
provinsie Gaza, in die suidelike gedeelte van Mosambiek met Xai-Xai as die hoofstad
van daardie provinsie.
Die kaart hieronder wys duidelik die ligging van Mosambiek.
|
|
|
|
|
|
PROVINSIES |
Gaza het 'n oppervlakte
van 75,709 km2 en 'n beveolking van ongeveer 1.3 miljoen (2002). Xai-Xai
is die hoofstad van die provinsie.
|
 Kyk na Manjacaze op die
Manjacaze google map
("zoom" in! en sien die dorpie en geboue) |
|
|
TAAL |
Die amptelike taal is Portugees maar dit word gepraat deur slegs ongeveer 'n kwart
van die bevolking wat skoolopleiding ontvang het. Portugees is die taal vir onderwys,
besigheid en die regsisteem wat 'n groot probleem inhou vir die meerderheid inwoners
wat dit nie kan praat of skryf nie.
Daar is ongeveer 60 ander tale of dialekte in Mosambiek in gebruik. Hulle kan rofweg
volgens geografie gekategoriseer word. Ongeveer 40% van die bevolking wat noord
van die Zambezi-rivier woon, praat Makua-Longwe dialekte. Tsonga oorheers die gebied
suid van die Limpopo en Tonga and Shona word hoofsaaklik in die sentrale gebiede
gepraat. 'n Sekere deel van die bevolking in die noordelike kusgebiede praat KiSwahili,
'n afrikataal met arabiese invloede.
Hier is 'n paar portugese frases:
Goeie more - Bom dia
Goeie middag - Boa tarde
Goeie naand - Boa noite
Hello - Hola
Totsiens -
Até logo
|
|
|
|
EKONOMIE |
Mosambiek het 'n baie swak ekonomie en die inwoners gaan gebuk onder baie natuurrampe.
Ongeveer 80% van die bevolking van Mosambiek werk in die landboubedryf en baie is
afhanklik van hulle vee-kuddes. Boere in die landelike gebiede het baie swaargekry
as gevolg van die 16 jaar lange burgeroorlog wat eers in 1992 tot 'n einde gekom
het. Baie het gedurende daardie tydperk al hulle veer en besittings verloor en die
totale infrastruktuur is vernietig.
Eers in 1999, na 'n lang rehabilitasie-program was die land vir die eerste keer
sedert die burger-oorlog in die posisie om genoeg voedsel vir sy eie bevolking te
produseer. Ongelukkig het die katastrofiese vloede van 2000 en 2001 en die daaropvolgende
droogte die rehabilitasie-proses jare teruggesit.
Daardie gebiede word gekenmerk deur hoë bevolkingsdigtheid en ongereelde reenval.
Daar is beperkte vooruitsigte vir die suksesvolle produsering van gewasse. Families
voer 'n oorlewingsbestaan deur beeste, bokke en hoenders aan te hou.
In die afgeleë plaaslike gebiede waarin 'n groot deel van die bevolking voorkom,
word daar geen regeringsondersteuning verskaf nie. 'n Opname het getoon dat tot
40% van huishoudings in daardie gebiede, 'n groot hoeveelheid van hulle hoenders verloor weens Newcastle
siekte wat eintlik deur inenting voorkom kan word.
|
 |
|
ekonomiese bedrywighede... |
|
|
GODSDIENSVRYHEID EN RELIGIEUSE DEMOGRAFIE |
Die konstitusie voorsien vir godsdiensvryheid en die reg word in die algemene praktyk
deur die staat respekteer.
Volgens die laaste sensusopname in 1997, het ongeveer die helfte van die bevolking
van 19.4 miljoen aangedui dat hulle nie verbonde is aan enige godsdienstige groepering
of godsdiens beoefen nie. Daar word egter geglo dat meeste van hulle een of ander
soort "indigenous" geloof beoefen.
Die religieuse demografie kan soos volg ingedeel word:
- 50% behoort nie aan enige godsdienstige groepering nie
- 9.9% is Rooks-Katoliek
- 9.07 is Protestante
- 8.25% is Moslem (die Moslems plaas die syfer is dispuut)
- verskeie ander denominasies maak die res op
Die godsdiensgroeperinge kom deur die hele land voor. Die Noordelike provinsies
is sterk Moslem, veral langs die kusgebiede, maar dan is daar ook sekere gebiede
in die noordelike provinsies wat weer sterk Katoliek en Protestant is. Katolieke
en Protestante groeperinge is weer sterk in die suide en sentrale gebiede maar daar
kom ook Moslem minderheidsgroeperinge voor.
Volgens regeringsbronne is die Christene ("evangelic christians") die vinnigste
groeiende godsdiensgroep.
Daar is 722 godsdiensdenominasies en 124 godsdienstige organisasies by die Departement
van Godsdienssake (deel van die Departement van Justisie) geregistreer.
|