Die NG Gemeente Weltevreden ondersteun Huis Erasmus by die Abraham Kriel-Maria
Klopper-kinderhawe.
Aktiwiteite wat hier plaasvind, is:
- algemene instandhouding van Huis Erasmus;
- huisverbeterings;
- tuinversorging;
- uitstappies saam met die kinders;
- aanvulling van kruideniersware, toiletware, linne en klere;
- ondersteuning van huisouers;
- mediese ondersteuning;
- lewensvaardigheidsopleiding;
- hulp met skoolwerk;
- Kerspartytjies saam met die kinders;
- die spesiaalmaak van kinders se verjaarsdae;
- aandag word gegee aan matriekafskeidsklere, en klere vir belydenis van geloofaflegging;
- ‘n afsluitingsfunksie word aan die einde van elke jaar gereël;
- besoeke aan die kinders;
- besoeke van die kinders aan naweekouers binne die gemeente
Die profiel van Huis Erasmus het onlangs verander, deurdat dit toenemend as deurgangshuis
gebruik word. Die kinders word eers na Huis Erasmus oorgeplaas en sodra die spesifieke
behoeftes vasgestel is, word die kinders na 'n plek van veiligheid geneem.
Dit bied groot uitdagings, aangesien dié kinders intense aandag nodig het en dit
moeilik is om 'n verhouding met hulle op te bou.
Die kinders van Huis Erasmus is tussen die ouderdomme van 7 tot 18 jaar. Die kinders
op dié ouderdom is besig om die volwasse wêreld te betree en het konstante leiding
en ondersteuning nodig. Daar is gewoonlik ongeveer 23 seuns en meisies wat gehuisves
word in Huis Erasmus. Die verskeie behoeftes van die individuele kinders maak Huis
Erasmus baie dinamies.
Persoonlike uitdagings:
- dienswerk is nie maklik nie en verg opoffering en verbintenis;
- Huis Erasmus is 'n uitdaging wat jou nader aan God en ander lede in ons gemeente
sal beweeg;
- die afstand na Huis Erasmus maak dit nie altyd moontlik om gereeld die huis te besoek
nie;
- die kinders beweeg in en uit die huis op 'n gereelde basis en dit maak dit moeilik
om verhoudings te bou.
Ons glo dat elkeen van ons 'n unieke bydrae kan maak tot dié kinders se lewens.
Hulp van persone word benodig om hulle unieke gawes, passies en persoonlikhede te
gebruik wat God vir ons gegee het om die kinders in alle omstandighede te ondersteun.
Hoe kom ek daar?
Laai die
kaart
af vir jou roete na Huis Erasmus.
|