Ons Kerk Dagboek & Nuus Jeug Naskoolse lidmate Geestelike Groei Versorging Aanbidding Getuienis Projek Prisma Bedieninge Preke Kontak Ons Tuisblad Verlede-Hede-Toekoms Ligging Leraars Eredienste | Doop | Nagmaal Nuwe Lidmate - Intrekkers Belydenisskrifte | Formuliere Kerkkantoor Dagboek Afkondigings Weltenuus WelteWoord Peuterhoekie Kleuterkerk KIX Kerk Junior Kategese Senior Kategese Jeuguitreike G5 - 18 tot ?? Stof tot nadenke Toerusting - Kursusse en Werkswinkels Persoonlike Getuienisse Kleingroepe Aksie Omgee Helpmekaar Barnabas Silwerhoekie Huishulpklas Blouhuis Huis Erasmus Jan Hofmeyer Zandspruit Noodspens Cosmo City Weltesemble Koor Band Blommebediening Verwelkoming Parkering Erediens-dienste Elektroniese dienste Drama aanbiedinge MES Mosambiek België Operasie Mobilisasie Behoeftes & Voordele Nuus Fondsinsameling Vrae & Antwoorde Kerkraad Gemeentebestuur Beplanningskommissie Barmhartigheid Gestuurde Gemeentes Eiendomskommissie Finansiële Kommissie Ekumeniese Eredienste Aanbiddingskommissie Diensbaarheidskommissie

Dagboek Fondsinsameling SMS Boodskap Gebedsversoeke Projek Prisma Dringende hulp benodig Kursusse Brandpunt Interessante skakels

"NUWE DROME VIR NUWE WERKLIKHEDE" - DR NELUS NIEMANDT Die boek beskryf die bedreigings vir die evangelie in ‘n postmoderne tyd en ontbloot uitgediende kerklike maskers, maar bied terselfdertyd op ‘n simpatieke manier nege vars geloofspraktyke wat gelowiges in staat sal stel om daardie soort gelowiges te wees wat die Here in ‘n tyd soos hierdie soek: mense wat nie kerk-kerk spéél nie, maar werklik kerk ís, soos die vroeë kerk was. Laai hoofstuk 1 hier af! ISBN-13: 978-0796306326 Uitgewer: LUX VERBI BM Dr Stephan Joubert se belewing van die boek  Nelus Niemandt is een van die invloedrykste denkers en missionêre Suid-Afrikaanse teoloë aan die begin van millennium drie. Sy insigte in ingewikkelde sosio-religieuse vraagstukke is asemrowend, sy nederigheid aansteeklik en sy vermoë om eietydse kontekste en Bybelse kontekste op verstaanbare maniere aan mekaar te knoop, sonder weerga. Daarom dat ek nie kon wag om hierdie boek te lees nie. Wat ’n absolute juweel. Nuwe drome vir nuwe werklikhede is kop-oopmaak materiaal. Dis propvol wêreldverskuiwende woorde! Nelus se verstaan van “Christenheid” en die bedreiging wat dit inhou vir die evangelie, saam met ’n indringende profiel van die post-modernisme en huidige kerklike gestaltes het my ure se genoegdoening verskaf. Nelus vra egter nie net kritiese vrae terwyl hy uitgediende kerklike maskers op meesterlike wyse rondom ons almal afhaal nie. Hy praat juis hooptaal deur nege vars nuwe geloofspraktyke vir ontluikende kerke op ons etenstafel neer te sit. Ewe aangrypend, oog-oopmakend en uitdagend is sy insigte in missionêre gemeentes in die laaste hoofstuk van die boek. Nuwe drome vir nuwe werklikhede is sonder twyfel die belangrikste boek op die Suid-Afrikaanse kerklike toneel oor die afgelope klompie jare. Dit is horison-verskuiwend en kontekstueel. Dit is deurdag, simpatiek, ontblotend, gevaarlik, maar altyd goeie medisyne! Terselfdertyd bied hierdie boek fantastiese hulpmiddels tot eksperimentering vir alle oopkop, saamdinkende gelowiges, met stylvolle visuele toepassings en roerende verhale oor ontluikende kerke. Nuwe drome vir nuwe werklikhede het my kop van voor af geswaai. Dit is goed, groot en groots! Nelus het goed daarin geslaag om die insigte van die mees invloedryke eietydse denkers oor kerkwees in homself te internaliseer en op vars maniere te verwoord! Hiermee saam het hy ’n klompie radikale nuwe insigte op ons elkeen se kerklike voorstoep kom neersit. Lees dit … en droom saam oor die kerk van die Here in die nuwe werklikhede wat voor ons staan. Meer oor die outeur... Dr Cornelius Johannes Petrus (Nelus) Niemandt het aan die Universiteit van Pretoria studeer, reeds as studenteleier die aandag getrek, en in dogmatiek en etiek gepromoveer met as proefskrifonderwerp Sosialiseringsmodelle vir die hantering van multikulturaliteit teologies-eties beoordeel. Hy was as polisiekapelaan verbonde aan die NG gemeentes van Triomf en Weltevreden, en dien later as gemeentepredikant van Weltevreden. Nelus het gou in die breër kerklike lewe ’n rol begin speel, en was aktuarius en moderator van die Sinode van Suid-Transvaal (nou Hoëveld), en aktuarius van die Algemene Sinode. Hy het ’n prominente aandeel gehad in die grootskaalse herstrukturering van die algemene sinodale strukture in die vroeë 2000’s. Niemandt is bekend vir sy gematigde benadering in kerklike en teologiese sake.