Die NG Gemeente Weltevreden ondersteun die Blou Huis by die Abraham Kriel-Maria
Klopper-kinderhawe.
Aktiwiteite wat hier plaasvind, is:
- algemene instandhouding van die Blou Huis;
- huisverbeterings;
- tuinversorging;
- uitstappies saam met die kinders;
- aanvulling van kruideniersware, toiletware, linne en klere;
- ondersteuning van huisouers;
- mediese ondersteuning;
- lewensvaardigheidsopleiding;
- hulp met skoolwerk;
- Kerspartytjies saam met die kinders;
- die spesiaalmaak van kinders se verjaarsdae;
- aandag word gegee aan matriekafskeidsklere, en klere vir belydenis van geloofaflegging;
- ‘n afsluitingsfunksie word aan die einde van elke jaar gereël;
- besoeke aan die kinders;
- besoeke van die kinders aan naweekouers binne die gemeente
Die Blouhuis aksie-groep het subkomitees daargestel wat fokus op die bostaande
behoefte. Daar word ook gefokus om verhoudinge met die kinders op te bou.
Die aksiegroep vergader een keer per maand - die laaste Donderdag van elke maand
(gewoonlik in klas 17 om 18:00). Geen spesifieke opleiding of kursusse word verlang
om deel te wees van die aksiegroep nie.
Hier is die aanwysings om by die Blouhuis te kom.
Uitdagings
Van die grootste uitdagings waarmee die aksiegroep te kampe het, is:
- die afstand na die kinderhuis;
- om gereelde kontak tussen die lede en die kinders te volhou;
- om betekenisvolle, langtermyn verhoudings tussen die kinders en gemeentelede daar
te stel
Daar is tans 12 kinders in die Blou Huis. Die huismoeder by die
kinderhuis is Esther.
Sy kan gekontak word by 073-060-5152 of 011-6481394.
Hoekom moet gemeentelede by hierdie aksie betrokke raak?
Hoe meer mense betrokke raak, hoe sterker is die boodskap aan die
kinders dat ons omgee. Die kinders het ‘n geskiedenis van disfunksionele verhoudings.
Hulle het ook geen verwysingsraamwerk ten opsigte van “normale” gesinne of wat “normale
mense" doen nie.
Die meeste kinders het min of geen ervaring van verhoudings met senior burgers nie
– die idee van ‘n oupa of ouma is ongekend – en storietyd is iets wat hulle glad nie
ken nie.
Ons moet alles in ons vermoë doen om seker te maak dat dié kinders eendag self “normale”
lewens het en verseker dat hul kinders nie ook eendag in kinderhuise beland nie.
|