Die navorsing was ontwerp om die gemeente te betrek in die vasstelling van die huidige en toekomstige rol van die kerk in die gemeenskap, om ondersteuning vir Projek Prisma te toets en om vas te stel watter,   indien enige, besware daar teenoor die projek mag wees.

Die navorsing het aangedui dat 86% van die gemeente Projek Prisma ondersteun en glo dat dit die kerk in staat sal stel om sy rol in die gemeenskap te vervul, nou en in die toekoms.  ‘n Aansienlike aantal gemeentelede het egter te kenne gegee dat hulle die projek nie sonder voorbehoud ondersteun nie, veral met betrekking tot die omvang/grootte en koste.

Die besluit is geneem om met die Projek voort te gaan, onderhewig aan ‘n verkleining van grootte/omvang en koste, en ‘n herskikking van die elemente van die Projek in ooreenstemming met die gemeente se behoeftes en  sy siening van die rol van die kerk in die gemeenskap.

Na sorgvuldige oorweging, is daar saamgestem dat die kleiner kinders tans die grootste probleme in terme van spasie ondervind, en dat die eerste fase daarom addisionele klaskamers en fasiliteite vir hierdie groep moet insluit.  Tenders sal teen die einde van November ontvang word, en konstruksie sal vroeg in 2007 begin.

Die Projek is ontwerp om die hele gemeente te ondersteun, nou en in die toekoms, en alle ouderdomsgroepe sal op die een of ander manier daarby baat. Die Projek strek verder as die blote daarstelling van fasiliteite en is van voorneme  om aan die groeiende behoeftes, geestelik en fisies, van ‘n groeiende gemeente te voorsien. Ons oorweeg tans praktiese maniere waarop ons byvoorbeeld ons pensioenarisse kan bystaan, as deel van die groter omvang van die Projek.

Na aanleiding van die navorsing is daar besluit dat die projek slegs daardie elemente moet insluit wat die tradisionele rol van die kerk as ‘n plek van aanbidding en ‘n plek wat geestelike en morele leiding aan sy lede gee, moet insluit.  Dié sal byvoorbeeld die volgende insluit: die instelling van ‘n “wellness-sentrum” om gemeentelede met huwelik- en gesinsberading, gesondheid- en traumaberading, asook leiding vir die jeug te kan bedien.

Terwyl dit ‘n realiteit is dat ons aansienlike gemeentegroei ondervind, het die oorgrote meerderheid gemeentelede aangedui dat ons hierdie nuwe lede met ope arms moet aanneem deur die voorsiening  van geskikte en uitgebreide fasiliteite. Met die aktiewe deelname en ondersteuning van die gemeente, glo ons nie dat die kerk ooit onpersoonlik sal word nie.

‘n Kommunikasie-komitee is op die been gebring om gereelde en deurlopende kommunikasie met die gemeente oor die Projek en die voortgesette betrokkenheid van die gemeente in die besluitneming te verseker. Willem de Beer is aangestel as die projekleier van hierdie komitee en .........as die woordvoerder.

‘n Kleiner nuwe aanbiddingslokaal, attenuasiedam en paaie.

Die uitslag van die gemeentelike ondersoek was deurslaggewend dat daar in fases gebou moet word.

Dit sal plek skep in die bestaande aanbiddingsruimte Die kleiner nuwe aanbiddingslokaal bied uitbreiding in bedienings-moontlikhede, bv. drie ekstra eredienste per Sondag, eredienste gedurende die week, andersoortige eredienst

Ruimte vir bybelstudiegroepe gedurende die week, troues, klein begrafnisse, meer nagmaalgeleenthede, ens. Dit skep ook die geleentheid om fondse te genereer deur pakkette aan te bied vir troues, aangesien die saal ook opgradeer gaan wor

Ons word deur die stadsraad verplig om voorsiening te maak vir stormwater deur ‘n attenuasiedam te bou. Ook moet daar voorsiening gemaak word vir sekere veranderinge aan die paaie  nl. ‘n glipweg in Corneliusstraat en ‘n verkeersirkel by die kruising met Albertstraat.

Die beraamde koste vir die nuwe aanbiddingslokaal is R3 miljoen. Die dam en paaie se koste sal ± R500 000 beloop indien dit nog hierdie jaar gebou word.