|
Gee vir ons u terugvoer oor die musiekbediening tydens 10:00 oggenddiens!
|
In die lig van die klein veranderinge wat ons aan die styl van die erediensbediening beoog, ontvang ons graag enige terugvoer van hoe u die voorafsang en/of
musiekbediening tydens die 10:00 erediens ervaar. Enige terugvoer word verwelkom, lof sowel as kritiek. Die doel is om te verseker of te poog dat die musiekbediening ten volle in u behoeftes sal voldoen.
|
|
|
Osbraai - Sondag 18 Mei 2008 ...kom sommer al na die tweede oggenddiens!
|
Ons gemeente hou 'n osbraai eerskomende Sondag 18 Mei 2008. Bring die hele familie saam. Volwassenes R50 en kinders onder 12 jaar slegs R30.
Die ete sluit die volgende in: Beesvleis, gebakte aartappels, pampoen, geroomde spinasie asook verglansde ertjies en mielies. Die nagereg is heerlike malvlapoeding en vla. Bring eie eetgerei en drinkgoed. Kaartjies beskikbaar by kerkkantoor - 011-4755510.
|
|
|
Nagmaal - Sondag 18 Mei 2008
|
Die Here Jesus het die Nagmaal self ingestel op die nag waarin Hy oorgelewer was. Die Nagmaal is in sy wese 'n verbondsmaaltyd, waar die verbinding tussen Christus
en sy gemeente telkens vernuwe word.
Maar wat beteken dit vir jou en my?
|
|
|
Plakkers by Krugersdorpdam het hulp nodig...
|
Ongeveer 83 gesinne woon in haglike omstandighede naby die Krugersdorpdam sonder hoop... Daar is ongeveer 60 kinders onder hulle. Daar is baie maniere hoe ons gemeente wat so bevoorreg is kan inspring en hulp verleen. As jy hulle graag wil help,
is dit hoe jy hulle nood kan verlig Kontak vir Sonet Guy by 011-4755510 vir meer inligting.
|
|
|
BAIE WELKOM aan Dr Willem Saunderson en sy vrou Cecile!
|
Hy was tot onlangs toe die leraar van Suid-Heuwels in Klerksdorp, maar het afgetree op 1 April. Hy is nou ‘n Roodepoorter en het by ons gemeente ‘n deeltydse pos aanvaar as Pastorale Hulp vir Senior Lidmate.
Hy lei op Woensdae die Bybelstudie, besoek die ouer lidmate en kuier ook so nou en dan by die Silwerhoekie. Ons hoop hy voel gou tuis by ons!
|
|
|
Nuwe leraar vir ons gemeente word 22 Mei beroep!
|
Ons gemeente is opgewonde. Na die onderhoude wat onlangs voltooi is deur die pre-advieskommittee, word 3 leraars se name voorgelê aan die Kerkraad wat op 22 Mei hulle beroepsvergadering hou. Ons vra dat u voorbidding sal doen vir die belangrike besluit
die kerkraad sal neem.
|
|
|
Mannekamp - 16 tot 18 Mei 2008
|
Die jaarlikse mannekamp vind dié naweek plaas op 'n wildsplaas naby Koster. Soos elke jaar is dit 'n besondere verrykende geestelike ervaring.
|
|
|
Nuwe groeigroep vir dames met laerskoolkinders
|
Adrie Spanenberg (082-686-5082) wil graag ‘n kleingroep begin vir dames wat laerskoolkinders het. Die idée is om eenmaal per week in die middag te vergader en nie saans nie.
Terwyl die ma’s dan bybelstudie hou, kan die kinders buite speel. Kontak haar gerus indien jy belangstel of vir Christa by die kerkkantoor: 011-4755510.
|
|
|
Tema-Bybelstudies vir kleingroepe
|
Nog onseker waarmee julle kleingroep die jaar kan afskop?? Ds Hettie van Niekerk het tema bybelstudies uitgewerk wat met groot vrug gebruik kan word vir bespreking in kleingroepe.
Verskeie interessante temas kan bespreek word. Druk dit uit en neem dit saam na julle kleingroepbyeenkoms.
|
|
|
Huis Erasmus benodig dringend wintersklere...
|
Huis Erasmus benodig asseblief dringend wintersklere vir seuns vanaf die ouderdom: 10 – 19 jaar.
Stuur asseblief vir ons wintersklere sodat ons die kinders kan help. Skakel Alda Boer by 083-261-700 of Elnika Pienaar by 011-4765480.
|
|
|
Pinkster 2008 - Is daar vir ons 'n toekoms in die land?
|
Tydens pinkster het 5 kundiges hulle mening uitgespreek oor hierdie onderwerp. Aspekste soos emigrasie, menseregte, politiek, ekonomie, misdaad en AfriForum se standpunte is bespreek. Luister na die MP3 opnames
en laai dit af.
|
|
|
Donderdag Kafee..my ervaring....
|
"Warm, gesellig, gemaklik...en baie inspirerend! Dis hoe ek die eerste byeenkoms van die Donderdag Kafee ervaar het. Nie net is jy innerlik versterk met lekker kos nie, jou geestelike lewe kry ook sommer 'n hupstoot. Na lekker "praise and worship"
het Hansie en Hettie vir ons die uitdagende boodskap gebring...Ons sluit af met die wete: "Ja, ons kan baie meer risikos vir Sy koninkryk neem en waagmoedige christene wees..." 'n Koffietjie vir oulaas en voor 8:30 by die huis! Nee wag, hier kom 'n ding!
|
|
|
Nuwe intrekker verwelkomings-geleentheid - 26 Mei 2008 om 19:00
|
NG Weltevreden is opgewonde oor elke nuwe intrekker in ons gemeente. Ons ontmoet graag alle nuwe intrekkers in ons gemeente by die volgende ontmoetings-geleentheid op Maandag 26 Mei 2008 om 19:00 in die Kleinsaal.
Lees hier meer oor nuwe intrekkers en watter aksies daar is waarby jy kan inskakel. Ons is seker jy sal sommer gou tuisvoel!
|
|
|
Nuut!!! Donderdag Kafee...22 Mei vanaf 19:00 tot 20:00
|
Dis 'n splinternuwe geleentheid waar daar begin word met "Praise and Worship" en daarna gesels word oor aktuele onderwerpe - aangebied deur Ds Hettie & Ds Hansie. Vanaf 18:30 kan jy 'n ligte ete geniet teen R20 (bespreek by kerkkantoor - 011-4755510 vir
die ete). Interessante temas sluit in:
- Die kuns van herorganisering
- Versekerde onsekerhede
- Veilig speel is gevaarlik
- Om so effe dom te lyk is belangrik.
Wees deel, kom!! Verryk jouself!
|
|
|
|
|
|
|
|
|
KIX-kerk pretmiddag
|
Die Kinders-in-Christus (KIX-kerk) hou hulle volgende pretmiddag op 6 Junie 2008. Moet dit nie mis nie!
|
|
|
Mosambiek uitreik na Mphatsa-gemeente - 19 Junie tot 28 Junie 2008
|
Die gemeente se uitreik na Mphatsa in Mosambiek vind plaas vanaf 19 Junie tot 28 Junie 2008. As jy graag deel wil wees van die uitreik of enige skenking wil maak ter ondersteuning, kan jy vir Daan van Rensburg (084-503-9672), Eddie Page (082-559-3791) of
Marietjie (083-289-6563) kontak.
|
|
|
Kairos ...bring die Lig van Christus aan gevangenis
|
Kairos is 'n organisasie van liefde - God se liefde! Die bediening fokus daarop om die Liefde van Jesus aan gevangenis te bring. "I had lost everything that I ever loved because of what I had done. But because of Kairos, I now know that Jesus loves me and
that makes all the difference." Lees meer, besoek webwerf of kontak Andre Potgieter - 0833089573.
|
|